一向都有留意呢個品牌嘅產品, 差不多所有嘅化妝品種類都有齊, 而且化妝品售價唔算貴, 不過佢嘅化妝工具就頗貴了....哈哈
早幾日行過荃灣千色, 發現佢有推廣....當然要即刻行埋去睇下啦.....佢真係有好多種類, 平時睇佢官網已經眼花撩亂, 今次係眼前睇就更加亂....呵呵, 不過我都有目標咁睇嘅, 因為最近工作關係需要用閃粉, 而自己本身有嘅顏色唔多, 所以就想睇下有無啱心水可以入下貨, 點知佢嘅閃粉已經比人掃晒, 得番3樽係到....顏色又一般, 我就走去問下sales 姐姐會唔會返貨, 好彩佢話會....重問咗佢會做幾耐推廣, 荃灣千色暫定做到5月22日, 所以最後咩都無買到就走咗, 到尋日我又再行去睇過.....發現佢真係返咗貨呀~~~
雖然都係唔齊色.....但我都揀咗3樽啱心水嘅.....嘻嘻
紫醉金迷眼影粉.....售價$45 (超抵)-----> LP17 (金黃色)、LP09 (青綠色)、LP18 (銅色)
1.當然係用返眼影位置啦~~
2. 就係可以用係指甲, 可作畫花或成隻甲都印上一層閃粉係面, 做出唔同嘅效果架~~
另外買咗一支
閃爍滾動眼影粉棒...售價: $75 ----> RES11 (啡金帶少少紅)
好方便架...係眼蓋位置滾上去就得, 再用手指推開就可以, 連眼影掃都唔洗用....又唔會整到周圍都係, 而且重有好多顏色揀, 大家有時間都可以去睇下~~~
到今天我又同朋友一齊去咗旺角朗豪坊行街, 係 Log on 見到佢地嘅counter又買咗, 以下嘅嘢....哈哈
亮晶奪目眼線液.....售價$30 (因買一送一)----> LCL103
其實係 Liquid eye liner, 搽完之後等佢一陣....乾咗之後, 用手係抺唔到....一定要用卸妝先可以抺走, 所以應該可以幾 long lasting.
最後....易容遮瑕棒.....售價 $79 ---->CW05
係液狀遮瑕, 質地貼薄....又唔太乾, 可作均勻膚色....面或眼部都可使用
呢到係佢地嘅官網-----> http://www.nyxcosmetics.com.hk
沒有留言:
發佈留言