Banila co it RADIANT CC Cream

集合...美白、保濕、防曬、均勻調節膚色、底妝功能，含天然水份複合物令膚色更自然通透, 就係韓國 hit 爆產品Banila co. it RADIANT CC Cream, 好多韓星都有用, 重揾咗少女時代中成員 Jessica 做代言人, 都幾人氣架~~

講返個產品先.....CC Cream的全名為Colour Control Cream, 要用於敏感問題肌膚的皮膚修復調色之用，調色功能的護膚品, 看上去相比一般皮膚色較白, 但推開之後....相隔一陣就會漸漸溶入, 變得與自己皮膚色一樣, 所以放心....一定唔會變白面神.....哈哈

搽上後...真係好貼薄, 同光澤咗好多, 但可以話係零遮瑕, 所以如果需要遮瑕嘅朋友就要另外用遮瑕膏啦~~

今次用了 Chanel 出嘅 CC Cream 作比較, 大家可以睇下圖~~

明顯  Chanel 係似粉底色, 而Banila co係偏白.....

推開後  Chanel  係有少許遮瑕, 近似 BB Cream, 而Banila co係零遮瑕.....但明顯亮澤, 完全同自己膚色一樣.....

另外Banila co. CC Cream有修正膚色，同時也可以為肌膚美白、保濕和隔離外界污染物對皮膚造成的傷害功能, 所以不少韓國藝人及彩妝師都紛紛推崇, 由於我亦屬於敏感肌膚 (濕疹), 所以就買嚟試下~~

重有就係要講下佢地嘅包裝....真係好貼心, 唔好睇佢外形係牙膏裝咁, 打開蓋後....佢係設有泵掣, 可以一下一下按出嚟, 唔怕取出過多分量, 而基本上按一下, 就已經可以搽全面了~~非常方便

另外據稱可以膚色修正、保濕、改善皺紋、軟化角質、美白、修護紋理、修飾毛孔粗大、隔離、扺禦紫外線, 一天裡有多效調養架~~  但是真是假....真係要試過先知啦~~~哈哈

大家記得係買之前, 先試清楚....因為現在市面唔同嘅品牌都有出, 要試啱適合自己皮膚嘅先好買呀~~~始終人人膚質唔同, 好用嘅嘢唔一定人人都啱架~~~記得呀~~~

最後簡單介紹一下 Chanel CC Cream (資料由 Chanel 網站提供)

傳承CHANEL的經典CC標記，CC CREAM以一個步驟，實現五重功效：

舒緩：含矢車菊花水，舒緩鎮靜敏感肌膚。
保濕：玻尿酸有效保存肌膚水份，確保全日潤澤。
隔離：SPF 30/PA+++有效阻隔令肌膚老化紫外線UVA-UVB，礦物過濾成份提昇肌膚抵抗能力。
修護：萃取自天然活性重建因子，守護肌膚免受外來物質侵害。
修飾：顯著改善肌膚泛紅、色斑、毛孔粗大等問題，瞬間令肌膚展現自然光采，膚色均匀透亮, 感覺清新無瑕。
CC CREAM質地輕盈不黏膩，全效修護及持久修飾肌膚, 瞬間呈現極致完美膚質。