YSL 限量品

上個星期去咗朗豪坊行街, 經過YSL專櫃見到佢地已經咗春季系列嘅化妝品, 即時忍唔住行咗埋去試下, 我睇中咗佢盒4色眼影, 佢嘅粉紅同紫色好靚....好啱新娘用, 不過當時我無買到~~~因為當日我有其他嘅目標.....嘻嘻~~

早幾日....我同個朋友去咗銅鑼灣 Sogo 行, 又去咗YSL個專櫃....今次一睇已經唔洗諗....即刻要買, 因為佢係限量品賣晒就會冇架啦~~~哈哈哈

今次嘅4色可以做到幾種唔同嘅組合, 真係好啱新娘/伴娘用, 而且好少會揾到咁靚嘅粉紅同紫, 重要係一盒過....真係正到爆, 大家有興趣都可以去YSL專櫃睇下, 話到尾都係限量品....想買就要快啦~~~~

其實我真係覺得呢盒嘅色好靚架, 而我朋友就睇中另一盒, 所以大家二話不說地....即時買咗, 因為我地做埋member....member會有小禮物送, 另外重比咗少少sample我地試, 於是大家就平均分咗, 小禮物我揀咗香水同粉底....但sample過我未去研究係咩嚟~~~~哈哈