雙眼皮貼

原本無想過會post有關雙眼皮貼, 但有個朋友話....你試過咁多真係應該同人分享下~~~ 跟住返屋企睇下, 發現原來我都真係試過幾多下, 見有咁多款....真係同人分享下都好~~~哈哈哈

數下數下...呢到都有成十款, 雙面單面貼都有, 其實唔止....因為有部份之前試咗唔啱用就掉咗, 都無keep起~~嘻

因為都有咁多款...講唔到咁多, 只會講其中幾款~~

上排左一
條狀....較少人用, 我呢隻係台灣出嘅, 攞出嚟嘅時候係膠條咁, 要將佢右左一齊拉開....就會有一條透明膠條出現, 跟住直接貼上眼就可以, 不過比較麻煩就係....拉開之後頭尾膠條要自己用胶剪剪走佢, 因為佢係唔可以就咁扯斷, 變相要係自己眼上面落剪....又危險....又麻煩, 而且貼力唔多夠好易掉落嚟, 如果要上妝就梗加用唔到, 所以基本上大家都可以唔洗買嚟試~~~

上排右一
呢隻係朋友介紹嘅, 如果現成裁好嘅款計, 佢算係我試過當中最夠貼力, 不過對我嚟講粗咗少少, 要自己再cut幼少少先啱我嘅眼形, 同埋佢係有兩隻顏色揀....一款係肉色....另一款就係我呢隻透明, 同埋上咗妝都唔會影響到佢個貼力, 所以都買得過~~~

下排左一
3M--佢可以話係歷史由久, 亦係最好用嘅單面貼, 真係貼足一日都無問題....又耐用, 平均一卷都可以用到差唔多一年(以我日日用計, 除星期日外), 不過對於新手嚟講就可能唔係咁好用, 因為要自己剪....佢唔同一般現成剪好個種, 佢真係一卷好似辦公室用嘅膠紙咁, 所以係要靠自己剪出嚟, 但另一角度睇....自己剪就一定啱自己眼形, 唔會話唔啱用....浪費咗, 而且佢真係最抵用, 所以大家不防買嚟試下, 話唔定一年可以幫大家慳唔少買膠貼嘅錢~~~哈哈

到講下雙面胋......雙面有好...有唔好, 貼咗又真係唔係好覺, 但相反對眼都幾攰~~~大家都明白咩叫雙面架, 佢將你嘅眼皮貼實收藏係一個位置到, 變相有少少將你對眼撐大咗, 但眼球接觸空氣嘅範圍就會多過平時, 所以較易令到眼乾都攰, 同理眼皮個位置會重咗~~(因為眼皮集中咗係貼膠紙嘅位置, 個位置會比平時重)....所以用邊款大家自己決定啦~~


下排左二
藍色盒仔....帶出街真係幾好, 但用就麻麻地, 因為對我嚟講太長 (應該正常一般人都會長...嘻), 同埋攞出嚟用嘅時候都比較繁複, 要將左右嘅膠貼除走先可以取出中間使用嘅部份, 另外頭尾用手取嘅位置亦較難除去 (因為佢係要比你貼上眼之後左右一齊拉開取走, 比較難同麻煩), 所以用咗一排都無用 (當時未有其他好嘅出現, 只可以用住佢先...嘻)

下排右一
真係唔好意思...呢款唔記得咗個盒放咗去邊 (唔知係咪掉咗...哈哈), 這款係我暫時用過最好用嘅雙面雙眼皮貼, 因為佢個設計好好...頭尾都已經cut成尖形, 貼上去一定唔會露出膠貼, 可以話真真正正咁隱藏係眼皮到, 唔會比人發現到, 因為其他牌子頭尾都係以圓形或方形為主, 暫時得呢一款係以尖形, 同埋佢個設計好好...連放雙眼皮貼嘅膠片都幫大家想得好就到, 不過相信已經有好多blogger介紹過, 可以話一致好評...所以大家不防買嚟試下~~~