頭飾編之製成品5 (仿鮮花半月形)

早幾日剛剛完成之仿鮮花頭飾, 一款係小玫瑰....另一款係紫色小花, 兩個可以合併使用...又可以分開使用, 用作配襯不同頭款~~~希望各位新娘子喜歡啦~~~^^

韓國出品 DREAM SKIN Element 100

最近試用緊隻韓國出品嘅SKIN CARE, 都已經用咗一排了, 佢都令我幾意外....意外嘅係~~
效果好好....同超級扺用....哈哈哈~~

原價$139, 我係萬寧七折嘅時候買, 埋單$100唔洗....咁重唔係抵到爛~~~呵呵呵
但蝸牛修復精華原液就貴少少, 原價$159, 七折後$110左右, 都好抵~~

我買咗以下三款試用
-7天強效美白去斑精華原液
-高效保濕防敏精華原液
-蝸牛修復精華原液

美白去斑精華原液 - 早晚都會用, 因為想全日都keep住美白。
高效保濕防敏精華原液 - 只會早上用, 因為佢夠保濕之餘唔會太笠, 比較啱早上用。
蝸牛修復精華原液 - 只會晚上用, 因為佢有全面修復皮膚, 亦有保濕作用,但較笠身適合晚上長時間冷氣使用。

不過以上純係個人喜好, 大家應該以自己皮膚狀況及需要作調配, 揀適合自己嘅用法。

以下是產品詳情介紹 (資料來自官方網站)

- Element 100 7天強效美白去斑精華原液
適合任何肌膚，尤其適合色斑或皮膚暗啞
主要成份：熊果素Arbutin
功效：有效淡化色斑，可滲入肌膚底層抑制黑色素酪氨酸 (Tyrosinase) 生成，以阻截黑色素形成，同時加速黑色素
分解，減少皮膚色素沉積，減淡色斑及雀斑，成份溫和不易敏感，更有消炎作用。

- Element 100 高效保濕防敏精華原液
適合任何肌膚，尤其適合缺水及乾燥肌膚
主要成份：專利成份GF-Biopolymer、天然保濕NMF精華、植物鴨子蘑菇萃取物
功效：天然植物保濕精華及專利成份GF-Biopolymer，有效為皮膚補充水份及增強皮膚鎖水能力，減少因缺水而引
致的乾燥及敏感，使皮膚回復水潤嫩滑。

- Element 100 蝸牛修復精華原液
蘊含高濃度螺旋蝸牛分泌液成分，全面修復皮膚，促進表皮細胞再生，有效淡化痘印、疤痕、色斑、長效保濕、
抗菌消炎、控油去痘、收細毛孔。

另外大家都見我有買咗同一牌子嘅面膜組合 , 試用後再同大家分享啦~~~~

Dream Skin 5天幹細胞活膚面膜組合
一盒五片的面膜療程組合，共有5個不同功效的面膜，集合韓國最尖端的美容科技，全面解決不同肌膚問題，為
妳急救肌膚。每天1片，1盒5片為1個療程，每月使用 4個療程以達到最完美效果。

 

香港電台劇集_沒有牆的世界

終於可以放相出嚟啦...因為電視已經出咗...哈哈

其實近排主要去咗跟拍劇集多, 負責劇集入面主角嘅髮型, 工作時間都幾長...重有好多規則要注意, 而且平均每次開工都需要12小時, 有時可能不止架, 所以都幾辛苦~~~><

不過辛苦得嚟都非常開心, 成組人一齊為咗一件事而努力, 當中嘅意義同精神....真係好值得賞~~~
以前無跟過就真係唔明....成日聽到藝人有奬攞都會多謝幕後工作人員, 依宜我真係深深感受到, 原來真係好需要你地嘅一句嘅多謝~~~

現在放少少拍攝過程比大家睇下, 真係日曬雨淋架~~~



我地重去咗警署報案室拍攝, 當然係要事先申請啦~~~

最後比張靚景有家欣賞下,  呢張相係係其中一個拍攝場景望出去嘅地方, 差不多可以望晒成個九龍塘夜景架....真係好靚~~~(雖然係用電話影但都影得幾清楚)



現在都跟緊一個新劇, 但唔可以公開住, 等大家估下先啦~~~