laura mercier Flawless Face Set 2011 底妝套裝 + 限量品

年幾前都已經有用呢個牌子, 只係佢嘅 store locations 唔係好就到我, 所以用完之後都無再買, 但佢其實係好好用....好貼面, 今次佢出呢款set裝都好抵, 不過比起之前其實都貴咗好多, 原因係佢個份量少過以前好多, 但價錢就同以前差唔多, 但份量少咗咪即係變相加咗價囉~~~

講下有咩嘢先.....售價$880....一共5件
化妝袋一個 (欠相....因未有貨)
Mineral Foundation Primer
Mineral Powder SPF 15
Mineral Finishing Powder
Fan Powder Brush (Mini版)

今次我買嘅係要礦物為主, 機本上全部揀嘅product 都係, 因為都想試下佢係咪真係比無礦物成份嘅好, 加上我嘅皮膚比較敏感, 如果真係好嘅....我可以用係皮膚較敏感嘅客人身上, 咁大家都可以安心同放心~~~嘻嘻

另外今次亦買咗佢個限量版 Limited Edition Baked Eye Colour Palette.....一盒有5個顏色, 有啡tone同兩隻帶有少少幻彩嘅粉紅同粉紫, 而且佢係乾濕兩用的....變相一盒即係有十種顏色出咗嚟, 成件事又好以抵咗咁~~~

佢嘅售價係 $430....好抵用~~哈哈

 

寶馬汽車「職業特工隊4」首影@數碼港 14 Dec 2011

呢個係14號最後一個job, 亦都係比較大型, 我負責其中一個model嘅化妝及髮型, 化妝及髮型需要跟隨大會指

定~~

WTC 世貿中心@14 Dec 2011

model係香港人, 今次佢要扮天使為WTC拍宣傳海報 (如果無記錯...哈哈)~~

新鴻基3D奇幻倒數迎2012發佈會@14 Dec 2011

隔咗好幾個月無出outjob喇~~~
今日一次過做夠三個, 真係好充實~~~~
先嚟第一個....由於時間好趕, 又試咗兩套衫先啱, 都唔記得咗同佢影張獨照, 好彩有影到張合照....哈哈~~

model係日本人, 佢個樣有少少似吳佩慈....

英國品牌Herbfarmacy皇牌 _ 強效修護精華油 (Skin Rescue Balm)

近兩個月不斷被濕疹煩憂我, 本來一向都有支日本濕疹膏防身, 但因為啱啱用晒又無朋友去日本, 所以買唔到返嚟用...慘~~

咁始終都想係香港揾返支好嘅嚟用, 不能長期靠人買返嚟架~~~

試過幾隻...最後試咗Herbfarmacy嘅皇牌_強效修護精華油 (Skin Rescue Balm), 終於可以唔洗再試....鬆一口氣~~嘻嘻

呢隻精華油...佢唔係油狀係膏狀嘅.....但搽完之後望落好似有一層油, 不過佢又無令到你覺得話好油淋淋咁, 反而有少少爽爽地 (因為我都幾怕搽完會油淋淋嘅嘢, 呢隻我都可以接受到~~), 同埋佢其實係比BB(嬰兒用), 所以成份非常天然, 最估唔到係....我要去買BB產品嘅嬰兒部先買到~~~哈哈

以下資料由以下網站提供
http://www.ecog.com/index.php?dispatch=categories.view&category_id=7

產品簡介:
蘊含珍貴草本，藥蜀葵、金盞花、星之草及紫草，為乾燥及乾裂肌膚提供補濕作用，令肌膚變得柔滑潤澤，修護敏感性皮膚及問題性皮膚；精華油成份能更有效保護肌膚，令肌膚持久柔滑，不會刺激皮膚，對紓緩濕疹有卓越功效。

主要功效:
‧深層滋潤、柔軟肌膚
‧治療敏感、乾裂、濕疹等問題皮膚

任何皮膚，尤其患有濕疹、牛皮癬、乾燥及龜裂性皮膚；嬰兒適用。